venerdì 31 gennaio 2014

La poesia vincente

                                                                                              foto carlozanzi



L'amica Luisa Oprandi, fresca Poetessa Bosina 2014, mi ha fatto avere il testo della sua poesia vincente, che pubblico immediatamente. E' la ricostruzione dialettale della celebre Battaglia di Biumo, addì 26 maggio 1859, quando Giuseppe Garibaldi, i suoi Cacciatori delle Alpi e l'aiuto dei varesini riuscirono a sconfiggere gli austriaci, capitanati dal generale Urban, a Biumo Inferiore. 


'Na sira de màag
di Luisa Oprandi

Al piuveva che Dio la mandàva,
sbarlüsivan  saétt  sura ai técc,
una mügia da gent per la stràva :
donn e ómann, i fiöö e anca i vécc…

Cumé quand se fa festa in paés,
tücc inséma eran lì fö de cà,
una sira de màag chì a Varès,
maseràa sota l’aqua a spécià.

In de l’aria, uramai da un quäi dì,
un quaicóss de nuèll se sentiva:
Garibaldi, cui so l’éva lì,
giammò a Sest, cui barcùn, sü la riva,

bèll e prunt cunt i só  Caciadùr
e nel cör la speranza de ‘nà,
mò che l’era de chi dal Magiùr,
dai Lumbardi a purtacch libertà.

E  Varès la sarìa diventada,
püssée bèla de quéla che l’è,
lée  la prima città liberàda,
d’una patria nei mann del só re

“Nünch  sémm prunt”  - l’eva dì ul Picinell,
mandà lì de gran cursa à visàll -
“General, sto mument inscì bèll,
quanta gent che l’è prunta a sugnall….!

Gh’hé un prufümm  che già  par primavera
e un calur cumè quell de l’estàa,
ne la  piazza  una bèla bandera,
che, nel  vent, a  l’è drèe  nà scià e là:

téla  là, propri a valt sü la tur ,
l’à metüda ul Sciur Pudestà,
par che ‘l diga sto bel triculur:
cun  curàcc cuntra l’’Austria se và”

Quéla nott , lì nel ciel,  sbarlüsivàn
i lümitt ai finestar di cà
e ne l’aria de màag se sentivàn
 bèi canzùn e ‘na banda  a sunà.

Cumè un fiüm che al va gió fin al màr,
se impienìva de gent ogni stràva,
cunt i fiacùll per fà püssée ciàr
 e vidé ul General che ‘l rivàva.

Però intant ul nemiss l’èva là,
 vers  a Comm, nascundü per pudé
saltà föra d’un bott e cascià
i suldà del Giüsepp a cüu indré

Ma in düü dì, cun tütt quel che pudèvan
truvà in gir per fà sü i baricàa,
i nost gent la città difendèvan
perché Urban  gh’eva mia da pasà.

Pö, d’un bott, la matìna ai quatr’ur
In la piazza  de Biüm l’è sciupàda,
Impruvisa e cunt un gran rumùr,
la bataglia sü la baricàda

püssée granda de tüta Varès,
lì pugiàda,  tacàda a una gèsa…
E quéll  bell dì de màag,  ventisès,
Von Urban l’è ubligàa a dà la rèsa…

L’è da alùra che sèmm che ul Paès,
che de tücc l’è la patria e la cà,
l’è nasü  da quell dì chì  a Varès
e nissün, mai,  spartill pudarà.
                                                                                                             
                                                                                                           



                                                                                         







Nessun commento:

Posta un commento