Madòna di me fiò

Madòna di me fiö

di carlozanzi

Ave Maria, stasira ghè ‘na mama

ca la sa pü se fà, dumà pregà.

Mama ca l’ha tentà tucc i manèer

e incöö varda i so fiö c’hinn drè a scapà.

Scapà föra da cà senza n’amùur,

senza danèe e ‘na benediziùn cùma sa dèev;

sbatüü dul vent dra rabia e delusiùn

e senza ‘n laurà par mangià e bèev.

Madòna benedèta, ma la fà

‘na pora dona a tegnì d’acùnt ul cöör?

Durmì cunt ul so omm senza pensà

ai sò carö, stremì in dul dì cal möör?

Ave Maria, Madòna pelegrina,

va inanz cunt la to fiàma, fagh da lüüs,

scalda i me fiö quand riva ul frècc barbìn,

fagh capì sa l’è ‘l càas da picà ‘l müüs.

Mama dul ciel, g’ho dai la me sustànza,

ul mèi di me pensèer e di me man;

incöö ma par a mi che ‘sta bundànza

l’è servida a nagòtt, destìn vilàn.

 

M’hann tirà giò la pèll, g’ho dai tüsscòss

ma g’hann la libertà, la vàar me l’òor.

Ma tòca supurtà ‘sti dì balòss,

piang e pregà, sperà, regalà amùur.

Ave Maria, Madona di me fiö,

sunt prunta a disfescià tutt quel ca gh’ho,

murì ma vedej ‘nà cunt un surìis:

sarìa, par mi, l’istèss d’ul paradìis.

 17 dicembre 2009

 

Madonna dei miei figli

Ave Maria, stasera c’è una mamma

che non sa più cosa fare, solo pregare.

Una mamma che ha tentato in tutti i modi

e oggi guarda i suoi figli che stanno scappando.

Scappare fuori di casa senza un amore,

senza soldi e una benedizione come si deve;

sbattuti dal vento della rabbia e della delusione

e senza un lavoro per mangiare e bere.

Madonna benedetta, come fa

una povera donna a conservare il cuore?

A dormire con il suo uomo senza pensare

ai suoi figli, spaventati nel giorno che muore?

Ave Maria, Madonna pellegrina,

vai avanti con la tua fiamma, fai da luce,

scalda i miei figli quando arriva il freddo che fa rabbrividire,

fagli capire se è il caso di picchiare la faccia.

Mamma del cielo, ho dato loro la mia sostanza,

il meglio dei miei pensieri e delle mie mani,

oggi mi sembra che questa abbondanza

non è servita a niente, destino villano.

Mi hanno spellata, gli ho dato tutto

ma hanno la libertà, vale quanto l’oro.

Mi tocca sopportare questi giorni dispettosi,

piangere e pregare, sperare, regalare amore.

Ave Maria, Madonna dei miei figli,

sono pronta a eliminare tutto quello che ho,

morire ma vederli andare con un sorriso:

sarebbe, per me, come il paradiso.