Sogn

L'inganno dei sogni

Sögn

Caminàva ‘na bèla dona par la strava

e mì da drèe, ‘tànt lèe la ciciaràva

cunt un òmm bianch da cò, ca la basàva.

La dona la fa ‘n cenn a ‘na vedrìna

e ‘l cumpàgn smùrza ‘l pass insèma a lèe.

Prèss a lùur, mi salüdi i düü murùus,

tachi butùn, cuntent ‘mè ‘n spùus nuvèll.

Parla lèe, lü ‘l fa citu e mi trepìli.

L’è ‘l cantà du la vùus la so magìa

e ‘l prufümm e ‘l surìis e ‘l muresìn

du la man, in puntèll cunt la mè man.

“Ta vedi cun piasè.” “Te sètt un fiùur.”

“Se te fètt da stì part?” “Vöri sugnà.”

“I tò fiö?” “Mo capìssi ‘l tribülà.”

“Tal disèvi.” “I paròll…cünta pruà.”

Pö sa discùur dul temp e di fastìdi,

l’umètt slunga ‘l nàas, un mött a bècch,

öcc curiùus e ‘na làpa me’n vespèe.

Le la dis: “Al ma piàas, nèmm a fa spèes.”

La dona fa la mosa d’un salüd.

“Scàpi no” e nèmm dèntar ul negòzi,

‘na butega da quij senza pretèes,

ma l’è scüra. L’è nott? Sa ved nagòtt.

***  

Sa pìza ‘l ciàar, ghè casòtt, sunt disedà

cunt dent la ràbia da chi l’è turnà in cà.

Busìa d’un sögn nassüü quand ca sa àma,

n’ingànn m’ha purtà incöö la cara màma.

13 dicembre 2004

Sogno

Camminava una bella donna per la strada

e io dietro, intanto lei chiacchierava

con un uomo bianco di testa, che la baciava.

La donna fa un cenno a una vetrina

e il compagno spegne il passo insieme a lei.

Vicino a loro, io saluto i due innamorati,

attacco bottone, contento come un novello sposo.

Parla lei, lui fa silenzio e io gioisco.

E’ il canto della voce la sua magia

e il profumo e il sorriso e il morbido

della mano, in appuntamento con la mia mano.

“Ti vedo con piacere.” “Sei un fiore.”

“Cosa fai da queste parti?” “Voglio sognare.”

“I tuoi figli?” “Adesso capisco il tribolare.”

“Te lo dicevo.” “Le parole…conta provare.”

Poi si discute del tempo e dei fastidi,

l’ometto allunga il naso, un colle a becco,

occhi curiosi e una chiacchiera come un vespaio.

Lei dice: “Mi piace, andiamo a far spese.”

La donna fa il cenno di un saluto.

“Non scappo” e entriamo nel negozio,

una bottega di quelle senza pretese,

ma è scura. E’ notte? Non si vede niente.

*** 

Si accende la luce, c’è confusione, mi sono svegliato

con dentro la rabbia di chi è tornato a casa.

Bugia di un sogno nato quando si ama,

un inganno mi ha riportato oggi la cara mamma.