Lumaghèta

Il viaggio di una piccola chiocciola, obbligata ad attraversare la strada. Una poesia per bambini, metafora della vita.

Lümaghèta

Lümaghèta partìss par l’impresa,

temp trìi dì dev tucà l'altra spünda,

ga l'han dì i so gent: "L'è la vita.

Ti te vòratt sta chi? Sa pö mia."

Sa sent dòss tütt ul pèes dul pasàgg,

l'è mia böna da cùur, pancia a tera,

da giò bass un gran mund misteriüs,

sü i antènn par capì..e pö via.

Sa sent biòta in dul mar da catràmm,

sa fa nott, un bòtt fort, turna ‘l dì.

Svalza 'l cò lümaghèta. "Sa l'è?

Turnà indrè sa pö mia. Nèmm innànz.”

Trìi pasìtt e ‘na röda l’arìva,

n'altra nott e 'n rumùur pussèe fört,

cunt ul vent che la strèpa da tèra;

tùrna 'l su, la speranza, la vöja.

Semm in mèzz, gh’è giò 'l bianc sul catràmm,

la va mèi, sa scarlìga, sa cùur.

Un mument, varda lì: Madunìna,

l'è rivàda la nott senza 'l dì.

Lümagheta la piang e camìna,

se 'l destin l'è chel lì, perd mia temp.

Biciclètt e pö màchin e càmion:

sàra i öcc, ‘na preghiera, ‘n pasètt.

Nott e dì, scüür e ciàar, un suspìr,

tanta quiètt e pö ‘riva 'l frecàss.

Lümaghèta la cùur, ma la pö,

lümaghèta la viv, sa la rièss.

17 luglio 1997

Lumachina

Lumachina parte per l’impresa,

tempo tre giorni deve toccare l’altra sponda,

l’hanno detto in suoi familiari: “E’ la vita.

Tu vorresti restare qui? Non si può.”

Si sente addosso tutto il peso del passaggio,

non è capace di correre, pancia a terra,

dal basso un grande mondo misterioso,

su le antenne per capire…e poi via.

Si sente nuda nel mare di catrame,

si fa notte, un colpo forte, torna il giorno.

Alza la testa lumachina. “Cos’è?

Tornare indietro non si può. Andiamo avanti.”

Tre passetti e arriva una ruota,

un’altra notte e un rumore più forte,

con il vento che la strappa da terra;

torna il sole, la speranza, la voglia.

Siamo in mezzo, c’è il bianco sul catrame,

va meglio, si scivola, si corre.

Un momento, guarda lì: Madonnina,

è arriva la notte senza il giorno.

Lumachina piange e cammina,

se quello è il destino, non perdere tempo.

Biciclette e poi auto e camion:

chiude gli occhi, una preghiera, un passetto.

Notte e giorno, scuro e chiaro, un sospiro,

tanta quiete e poi arriva il rumore.

Lumachina corre, come può,

Lumachina vive, se ci riesce.