A un passarin

A UN PASSARIN

Stamatina gh’evi nessün impegn

e sunt andai a Bèdar, par castegn;

l’eva bunura, e l’eva anmò un pù fosch

quand ma sunt inviaa dènt in dul bosch.

Né machin né moto: ünich frecass

l’eva quell di föi secch muvüü di pass,

ogni tant un quai culp, ma giò, luntan,

un caciadur, e pö ‘l buià d’un can.

E pö l’ha incuminciaa a cantà ‘n üsèll,

e ‘n’alt, e ‘n’alt, e ‘n’alt anmò…che bèll!

L’eva cumè sentì un cuncert da cant

cun tütt i vari coor spartìi in sü i piant:

i vus bianch in sül nuus, e pö i tenur

in sül pin, e in sül fò i àltar cantur.

Dò o tré volt ma sunt duvüü fermà

par mia fa frecass e par ‘scultà…

…   

Pam, pam! Dò s’ciupetaa, mia tant distant:

ul cantà l’è cessaa cumè d’incant,

l’è stai tütt un sbatt d’aal, un vugatà..

(sperèmm ca sian riüssii tücc a scapà).

Evi sbagliaa, parché dopu ‘n quai pass

ho vist quaicoss a mövas tacaa a’n sass,

l’ho cataa sü in di man: un passarin,

forzi un nuèll, tant l’eva piscinin,

l’ha sbattüü i aar ‘na volta püssee fort,

do gott da sangh süi diit, e po’ l’è mort…

Poar passarin, ‘sa t’hann sparaa da fa?

Da tì cusa speravan a mangià?...

Sa füssat stai ‘na quaia o ‘n piviun

podi capì, vèn föra ‘n quai bucun,

ma tì te ghe stett tütt in d’un cügiaa,

…chissà ‘sa vànzan dopu ‘vètt penaa.

Poar passarin, minüdar cuma sett

nissün l’avria mai pudüü vidett,

l’è staia la tò vöia da cantà

ca t’ha tradii…e la ta fai mazzà!

…  

In dul cuncèrt dul bosch, da sotta al nuus,

duman mattina mancarà una vuus.

Natale Gorini

A UN PASSERINO

Stamattina non avevo nessun impegno

e sono andato a Bedero, per castagne;

era mattino presto, e era ancora un po’ nebbioso

quando mi sono incamminato nel bosco.

Né auto né moto: l’unico rumore

era quello delle foglie secche mosse dai passi,

ogni tanto qualche colpo, ma giù, lontano,

un cacciatore, e poi l’abbaiare di un cane.

E poi ha cominciato a cantare un uccello,

e un altro, e un altro, e un altro ancora…che bello!

Era come sentire un concerto di canti

con tutti i vari cori divisi sulle piante:

le voci bianche sul noce, e poi i tenori

sul pino, e sul faggio gli altri cantori.

Due o tre volte mi sono dovuto fermare

per non far rumore e per ascoltare…

…

Pam, pam! Due colpi di fucile, non tanto distanti:

il cantare è cessato come d’incanto,

è stato tutto uno sbattere d’ali, un volare frenetico…

(speriamo che siano riusciti tutti a scappare).

Avevo sbagliato, perché dopo qualche passo

ho visto qualcosa che si muoveva vicino a un sasso,

l’ho preso in mano: un passerino,

forse un novello, tanto era piccolo,

ha sbattuto le ali una volta più forte,

due gocce di sangue sulle dita, e poi è morto…

Povero passerino, perché ti hanno sparato?

Da te cosa speravano di mangiare?...

Se fossi stato una quaglia o un piccione

posso capire, viene fuori qualche boccone,

ma tu ci stai tutto in un cucchiaio,

…chissà cosa avanza, dopo averti spennato.

Povero passerino, minuto come sei

nessuno avrebbe mai potuto vederti,

è stata la tua voglia di cantare

che ti ha tradito…e che ti ha ammazzato!

…

Nel concerto del bosco, sotto il noce,

domattina mancherà una voce.

Considero questa una fra le più belle poesie del mio amico poeta Natale Gorini. Non è una poesia allegra, ma la bellezza non sempre è legata alla felicità.